Press release
October ni 2, 2022-a video darh – Pu Ch. Chhunga, Ex-Chief Minister, Mizoram leilet bula Assam lamin Bukte an rawn sak chungchang hi Home Department chuan a hriat veleh hma a la nghal a. Chief Minister zahawm tak, Pu Zoramthanga chuan Assam Chief Minister Dr. Himanta Biswas Sharma chu phone-in a be nghal a. Tin, Home Minister zahawm tak, Pu Lalchamliana chuan Assam Border Minister, Pu Atul Bora chu 02.10.2022 zanah phone-in a be nghal bawk. Hemi bakah hian Pu H. Lalengmawia, Commissioner & Secretary, Home Department pawhin Pu G.D. Tripathi, Commissioner & Secretary, Border Protection & Development Department chu phone-in a be nghal bawk a. Assam lam hian buk sak chu thiah nghal a nih tur thu an sawi.
October ni 3, 2022 zingah khan Kolasib District Deputy Commissioner, Pu John L.T. Sanga chuan Hailakandi Deputy Commissioner chu phone-in thil awm dan a hrilh nghal bawk a, Hailakandi Deputy Commissioner chuan thu neitu sang zawk atanga buk sak chu darkar hnih/thum chhunga thiat tura thupek an dawn tawh avanga an thiah nghal tak thuin a lo chhang bawk a ni.
Mizoram Sawrkar chuan Assam lamin Mizoram Sawrkar hriattir hmasa lova Bukte an lo sa mai hi pawi a ti hle a. Chutih laiin Assam in anmahniin Bukte an sak thiat nghal tura Mizoram Sorkar a hotuten an hrilh anga hma ala nghal vat hi lawmawm ati a. Bukte thiah a nih laia a hmun a Bairabi mipuite leh Mizoram Sorkar Officials te uaptu Bialtu MLA/Minister Pu K.Lalrinliana pawh a fak awm hle a ni.
Issued by Home Department, Government of Mizoram
04.10.2022
